詩篇第23篇(文本取自台灣聖經公會現代臺語漢字聖經）

23:1 大衛的詩。上主是我的牧者， 我無欠半項。

23:2 伊互我倒佇青翠的草埔， 導我到清靜的水邊。

23:3 伊互我新的氣力， 為著伊的名導我行正直的路。

23:4 我雖然經過死蔭的山谷， 嘛毋驚災害，因為你及我同在；你的棍，你的柺互我安穩自在。

23:5 佇我對敵的面前， 你為著我排設宴席； 你用油抹我的頭殼，款待我作貴賓，斟我的杯到滿出來。

23:6 你的恩典慈愛一定一世人及我做伴； 我欲永遠佇上主的厝及你做夥住。