■人生智慧：  

會離門戶，袂離腸肚。

sùi，sui無十全；bhài，bhai無交圇。

學好三年，學歹三對時。

頭毛白疏疏，kah想嘛外家。

父死路遠，母死路斷。

年頭餇雞栽，年尾做月內。

無是苦，有是惱。

食糖算頓，食水久長。

趁錢龜bè壁，開錢水崩崎。

僥倖錢失德了；流汗錢開袂了。

仙人拍鼓有時錯，腳步踏差啥人無？

食緊弄破碗。

緊紡無好紗，緊嫁無好大家。緊行無好步，緊走無好路。

看人食肉，毋通看人相扑。

相罵恨無話，相扑恨無力。(相罵無揀嘴，相扑無揀力。)

有一好無二好，有新婦無牛母。

人情世事陪甲夠，無鼎佮無灶。

父母疼囝長流水，囝想父母樹尾風。

嚴官府出厚賊，嚴父母出阿里不達。

甘願賣祖公產，毋願阿娘的話烏白dan(掞)。

■人性諷刺： 

盤嘴小姑，缺嘴尿壺。

雜唸大家，出蠻皮新婦。

嘴唸經，手摸奶。

棚頂做甲流汗，棚甲嫌甲流瀾。

一年新婦，二年話拄，三年師父。

公廳無人掃，公親情無人叫食晝。

虱母生濟著袂癢，錢欠人濟著袂想。

有錢烏龜(gui)坐大廳，無錢秀才通人驚。

有錢姑半路接，無錢姑嘴若覕(bhīh )。

中國、中國花lok    -lōk。

一箸嘴裡哺，一箸佇半路，一箸金金顧。

食若龜，做若牛。

狗母無搖獅，狗公毋(m  -)敢來。

家己栽一欉，卡贏看別人。(教豬、教狗不如家己走。)

近廟欺神，路頭遠才有親。

近近相礙目，遠遠tāi雞角。

高女是高女，愛食毋愛煮。

sui花佇別人欉，sui某佇別人房，sui查囡仔過路人。

睏破三領蓆，翁的心肝摸袂著。

tāi豬公無相請，嫁查某囝貺 (hing   -)大餅。

◆食穿方面： 

食飯皇帝大。

食碗內，看碗外。

千苦萬苦，攏是為腹肚。

先顧腹肚，才顧佛祖。

米飯一粒著抾起，扑損五榖雷摃死。

趕人生、趕人死、趕人食無情理。

食睏，無分寸。

食若武松扑虎，做若桃花過渡。

食，食甲流汗；做，做甲畏寒。

食bheh食好，做bheh做輕可。

腹肚枵全步數，腹肚飽無半步。

腹肚若dīng，目珠皮著līng。

人重妝，佛重扛。

三分人，七分妝。(三分姿娘，七分打扮。)

嫷bhài在肢骨，不在梳妝三四齣。

愛sùi，毋驚流鼻水(血水)。

■生活方面： 

食清、睏宮，人精英。

嫷厝驚人蹛，嫷某驚人看。

大厝大海海，餓死無人知。

起厝按半料，娶某歹算數。

千富萬富，毋值家己厝。

豬岫毋值狗岫穩，家己厝燒滾滾。

緊行無好步，緊走無好路。

行路，kah濟汝過橋。

進無步，退無路。

坐轎 ē毋知影扛轎 ē艱苦。

■管教方面： 

細漢偷挽匏 (bŭ  )，大漢偷牽牛。

細漢毋鬱 (ūt )，大漢鬱袂屈 (kūt )。

葉無挽毋成欉，囝無教毋成人。

也 (a  -)著箠，也著糜。

也著神，也著人。

大狗盤牆，細狗趁樣。(序大無好樣，序細討和尚。)

相讓食有伸，相搶食無份。

豬食豆箍，人食招呼。

無名無姓，去問鋤頭柄。

■金錢方面： 

錢銀白，心肝烏。

人親情，錢性命。

錢銀纏半腰，免驚銀紙無人燒。

錢有，毋驚世事。

欠錢怨債主，不孝怨父母。

有錢食鮸，無錢免食。

無是苦，有是惱。

朋友做甲死，借錢的代誌mài提起。

■歷史方面： 

有唐山公，無唐山媽。

唐山過台灣，心肝結規丸。

天頂有天公，地下有母舅公。

一個某，kah贏三個天公祖。

金門毋認同安，台灣毋認唐山。

紅柿若出頭，羅漢腳仔目屎流。

少年若無一擺戇，路邊那有有應公。

咸豐三，講到今。

■人際關係： 

毋捌字請人看，毋捌人死一半。

魚食流水，花食露水，人食嘴水。

一牽成、二好運、三才情。

好歹在心內，嘴唇皮仔相款待。

心歹無人知，嘴歹上厲害。

若是愛計較，趁早拆爐灶。

一人一家代，公媽隨人在。

一代親，兩代表，三代散了了。

■身體運途： 

有食藥有行氣，有燒香有保庇。

看醫生著食藥，問神明著有毋著。

五時藥，六時石。

落塗八字命，運命天註定。

■翁某男女： 

鴛鴦水鴨，粉鳥斑鴿，冤家相扑。

娶某無閒一工，娶細姨無閒一世人。

無冤無家，不成夫妻。

一某無人知，二某相卸代。

濟牛踏無糞，濟某無地睏。

睏破三領蓆，翁的心肝摸bhe 著。

別人妻睏袂過五更。

■氣候節氣： 

烏雲飛上山，鬃簑提來幔；烏雲飛落海，鬃簑kàm狗屎。

春天南，夏天北，無水通磨墨。

田蠳若結堆，戴笠仔穿鬃簑。